PRO LOCO SICULIANA

3° POSTO

L’APPACIATA
Di
Giovanni Alloro di Altavilla Milizia PA

GIUDIZIO DELLA GIURIA
La poesia evidenzia il ritmo veloce e coinvolgente della lingua Siciliana e l’umorismo tipico della gente dell’Isola, sinonimo di acutezza psichica.


PI’ LI COSI CCHIU’ CRITINI,
CA TI FANNU’ ‘NTISTARDIRI,
UN MATRIMONIU PO’ FINIRI.
MAI LA TESTA ’NCAMPUNIRI
CU VENDETTA A MAI FINIRI.
ARRIVATU A UN CERTU PUNTU
CU LI NERVI ELETTRIZZATI
E LU CORI A CENTU ALL’URA:
DONNA MUTA E OMU FORA.
CHI NI DITI! CHI PINSATI!...
UN MUMENTU E ASCULTATI.
VI RACCUNTU UN BATTIBECCU,
DI LI TANTI SUCCIDUTI,
GRAZIE A DIU RISULVUTI.
STATI ATTENTI E APPRINNITI.
DOPU LITI O ’NA VUCIATA,
CU LA DONNA MIA AMATA,
SCAPPU FORA A CAMINARI
EVITANNU A LITICARI.
STRATA STRATA PIGGHIU ARIA
PI’ LI NERVI ARRIFRIDDARI.
‘NA’ MPRUVVISA TELEFUNATA
- DA MUGGHERI GIA’ PINTUTA –
E’ COMU L’OGGHIU ’NTA ’ZALATA:
SCURRI LISCIU ’NTO PIZZIATU
’INSAPURENNU LU ’MMISCATU
DU’ PAROLI CALMI CALMI;
STETTI MUTU SUDISFATTU;
PACI FATTA ’NSUTTA ’NSUTTA.
TORNU A CASA LESTU LESTU;
LA TALIU CU ’NA RISATA
E CUNTENTU M’ASSAI FELICI
DI ST’AMATA TELEFUNATA,
CCI CAFUDDU ALL’IMPINSATA
’NA GRANNISSIMA VASATA.
POI DOPU CHI SUCCESSI!...
SUNNU COSI DA ’NTUIRI.
NUN LU POZZU PROPIU RIRI…
…A CU’ HAVI MUGGHERI PO’ CAPIRI.
TUTTU CHIARU, TUTTU BELLU,
LA TIMPESTA E’ PASSATA,
LU SERENU RITURNATU
E L’AMURI HA TRIUNFATU.